2.2.08

Նամակ` ուղղված Լևոն Տեր-Պետրոսյանի շտաբին

Հետևյալ նամակը ուղարկվել էր այս բլոգի ակտիվ մասնակից Roy-ից:
Լիովին համամիտ եմ:

«

Երեկ կայացան Լևոն Տեր-Պետրոսյանի հանդիպումները Նոյեմբերյանում, Ալավերդիում, Վանաձորում և հարակից գյուղերում:Ուզում եմ անդրադառնալ հատկապես Վանաձորի հանդիպմանը: Ասեմ, որ հանրահավաքը նախատեսված էր 16.00, սակայն մի քանի պատճառներով այն սկսվել է նախատեսվածից մոտ մեկ ու կես ժամ ուշ: Նշված ժամին “Արցախ” պուրակում հավաքված է եղել բավական մեծ բազմություն, սակայն մարդկանց մեծ մասը 1 ժամից ավել սպասելով և չդիմանալով սաստիկ ցրտին (ըստ հիդրոմետի այդ պահին եղել է -15 աստիճան) և կասկածելով, որ հանդիպումը կկայանա վերադարձել են իրենց տները: Այնուհետև Լևոն Տեր-Պետրոսյանի մեկ ելույթով ավարտվել է Վանաձորցիների հետ հանդիպումը: Իսկ ճանապարհին, ետ վերադառնալուց` Սպիտակ քաղաքում այցելել է նախընտրական շտաբ: Ա1+ տեղեկացրեց, որ փետրվարի 7-ին նախատեսվում է հանդիպում Սպիտակ քաղաքի ազգաբնակչության հետ:Զրուցելով Վանաձորցիների հետ, նրանք նշում էին, որ ժամանակացույցը մի փոքր սխալ էր ընտրված և Նոյեմբերյան ու Ալավերդի քաղաքներով պիտի ամփոփվեր երեկվա օրը, իսկ Վանաձորում պիտի կայանար առանձին, ավելի մեծ և ընդգրկուն հանդիպում:Ոստի առաջարկում եմ Լևոն Տեր-Պետրոսյանի շտաբին, որպեսզի հանրապետության թվով խոշոր 2 քաղաքներում` Գյումրիում և Վանաձորում հատուկ ուշադրությամբ կազմակերպել մեկական առանձին խոշոր հանդիպումներ: Գյուղերը` գյուղեր, սակայն նրանց ընտրազանգվածը չես համեմատի այդ քաղաքների ազգաբնակչության թվի հետ: Ուստի փետրվարի 7-ին Սպիտակ քաղաք այցելելու հետ մեկտեղ անպայման այցելել նորից Վանաձոր և հանդիպել մեկանգամ ևս ազգաբնակչության հետ:

Հարգանքներով` Ձեր համակիր

»

2 comments:

roy said...

Կրկնվելու է արդյոք 2003 թվականը ?

Ուզում եմ հիշեցնել Լևոն Տեր-Պետրոսյանի կողմնակիցներին, թե ինչ սցենար կիրառեցին իշխանությունները 2003 թվականի ընտրություններում` Ստեփան Դեմիրճյանի կողքը դնելով Արտաշես Գեղամյան ականին: Ամբողջ քարոզչության ընթացքում իշխանությունները պտտեցնում էին այն միտքը, թե երբ կմիանա նա Դեմիրճյանին` առաջին փուլից առաջ, թե երկրորդ փուլում: Եվ երբ Ստեփանն անցավ երկրորդ փուլ, մի պահ բոլորին թվում էր, թե Գեղամյանի միանալով լուծվում էր իշխանության հարցը և Դեմիրճյանի հաղթանակը կարծես անխուսափելի էր: Սակայն, թե ինչ կատարվեց բոլորն են հիշում: Գեղամյանը ոչ միայն չմիացավ, այլև չկանգնեց Ստեփանի կողքին` հարթակի վրա, ինչի արդյունքում այդքան մոտ թվացող հաղթանակը փոշիացավ գնաց:

Հիմա տեսնենք, թե ինչ է կատարվում այսօր: Վերջին օրերին ակտիվ սկսեց շրջանառվել Արթուր Բաղդասարյանի միանալը Լևոն Տեր-Պետրոսյանի շարժմանը: Առաջինը այս միտքը շրջանառության մեջ դրեց Բաղդասարյանի շտաբի պետը` Հեղինե Բիշարյանը, ով իր վերջին մամլո ասուլիսում չբացառեց ընդիմության միանալը, իսկ 2 օր առաջ էլ Լևոն Տեր-Պետրոսյանը Վանաձորում հույս հայտնեց, որ Արթուր Բաղդասարյանը և Րաֆֆի Հովհանիսյանը կմիանան իրեն:
Արդյոք այս անգամ ականի դերը իր վրա կվերցնի Արթուր Բաղդասարյանը պարզ կդառնա մինչև փետրվարի 9-ը: Եթե նա առաջին փուլից առաջ չմիանա Տեր-Պետրոսյանի շարժմանը, ապա միանշանակ կարելի կլինի ասել, որ գործ ունենք երկրորդ դհոլի հետ: Իմ դիտարկմամբ մինչ այժմ գնացող գործընթացները շատ են հիշեցնում 2003 թվականը: Եվ իշխանություններն են հայտարարում, որ Բաղդասարյանը ավելի մեծ ռեյտինգ ունի, դա արտահայտվում է նրանց սոցիոլոգների մատնանշած թվերում (11%), ինչպես նաև այսօրվա հանրահավաքի հայտարարությունը, թե իր դեմ մահափորձ է նախապատրաստվում (տես Ա1+ նյութը): 2003 թվականին էլ էր կարծեմ Գեղամյանը նման մտքեր հայտնում, իբր իշխանություններն ամենից շատ իր մեջ են տեսնում հակառակորդ և որքան հիշում եմ ման էր գալիս զրահաբաճկոնով:
Այն որ այսօր թեկնածուներից միայն Արթուր Բաղդասարյանն է, որ ձայներ կտանի Տեր-Պետրոսյանից, դա ուղղակի ակնհայտ է, մնացած վեցը չունեն լուրջ ընտրազանգված, եղածն էլ երբեք ու երբեք չի քվեարկի Տեր-Պետրոսյանի օգտին:
Ուստի ինչ կլինի այս անգամ պարզ կդառնա առաջիկա բանակցությունների ընթացքում և կրկնում եմ, եթե մինչև փետրվարի 9-ը Բաղդասարյանը չմիացավ Լևոն Տեր-Պետրոսյանի շարժմանը, ուրեմն ոչ մի դեպքում չպետք է հույս կապել, թե նա կմիանա երկրորդ փուլում(եթե այդպիսին լինի):
Իսկ Արթուր Բաղդասարյանի և Րաֆֆի Հովհանիսյանի միանալով կարծում եմ իշխանություններին չափազանց դժվար կլինի նույնիսկ կեղծիքներով անցնել:

Տա Աստված, որ իմ մտահոգությունները չիրականանան:

H.L. said...

im al dbavorutyuns ayt e,ov isgagan yergrin prgutyune gpndre vayrgyan me bedk tche dadamsi,sbase,nayi harmar arit pndre,yete joghovurtin (LEVONI) goghm tches uremn tshnamiyin( SS)goghmn es,yev vertch,barab jamavadjarutyun enele kreagan hancank e badmutyan hanteb,ays endrutyune gadag tchi vercner,SARDARABADI yev AVARAYRI hamasor e,,,

Արխիվ